AFÞREYING
Leyfðu okkur að kynna fyrir þér okkar uppáhald!
KONTIKi KAYAK
Sjókajakferðir með aðaláherslu á dagsferðir fyrir litla hópa með fram strandlengjunni.
SKIPSTJÓRINN KRISTJÁN
Einstök og vinaleg leið til að upplifa fallegt umhverfi bæjarins. Skipstjórinn fræðir um náttúru, dýralíf og staðarhætti.
OCEAN ADVENTURES
Ocean Adventures býður upp á sjóstangveiði og lundaskoðun í náttúruperlunni Breiðafirði.
SÆFERÐIR
Sæferðir bjóða upp á ævintýrasiglingar frá Stykkishólmi. Í ferðunum getur þú smakkað á hrárri hörpuskel beint úr sjónum, séð þúsundir fugla, notið íslenskrar náttúru og heimsótt kyrrlátu eyjuna Flatey.
VÍKURVÖLLUR - GOLFKLÚBBURINN MOSTRI
Víkurvöllur er 9 holu golfvöllur sem liggur norðan Hótel Stykkishólms.
SUNDLAUG STYKKISHÓLMS
Útisundlaug með vatnsrennibraut, vaðlaug, tveimur heitum pottum og köldum potti. Í heitu pottunum er heilsuvatn sem kemur beint úr borholunni við Hofstaði, en vatnið er gott sem meðferð við ýmiss konar húðvandamálum, svo sem exemi og psoriasis.
MENNING
Skoðaðu menningarstarf okkar og kíktu á söfn og upplifðu menningararf svæðisins.
ÆÐARSETUR ÍSLANDS
Nútímalegt safn og þekkingarmiðstöð sem býður gestum að fræðast um æðarfugl og aðferðir við æðardúnarækt.
VATNASAFN
Innsetningarverk bandarísku listakonunnar Roni Horn. Á hæsta punkti bæjarins með útsýni til allra átta hefur gömlu bókasafnsbyggingunni verið breytt í safn vatns, orða og veðurfrásagna. Safnið prýða m.a. 24 glersúlur með vatni úr helstu jöklum landsins.
NORSKA HÚSIÐ
Norska húsið er Byggðasafn Snæfellinga og Hnappdæla og fyrsta tvílyfta íbúðarhús á Íslandi byggt 1832 úr tilsniðnum viði frá Noregi og fær nafn sitt þaðan. Í safninu er áhugaverð krambúð í gömlum stíl. Þar fæst íslenskt handverk, gamaldags slikkerí og fleira.
HÁKARLASAFNIÐ Í BJARNARHÖFN
Í Bjarnarhöfn er vel tekið á móti gestum með persónulegri leiðsögn um Hákarlasafnið og er öllum gefið smakk af hákarlinum. Hákarlsverkunin hefur verið í fjölskyldunni í margar kynslóðir og á safninu er sagt frá sögu, veiðum og verkun hákarlsins og geta gestir gengið upp að hákarlahjallinum þar sem hægt er að sjá girnilegan hákarl í verkun.
ÞÚ VERÐUR AÐ SJÁ
Kannaðu nærumhverfið en Stykkishólmur er umkringdur fallegum náttúruperlum og fjölbreyttu dýralífi.
BERSERKJARHRAUN
Berserkjahraun er hraun í vestanverðri Helgafellssveit á Snæfellsnesi og frægt er úr Heiðarvíga sögu. Berserkjahraun hefur runnið úr gígum norðan Kerlingarskarðs.
DRÁPUHLÍÐarfjall
Drápuhlíðarfjall er 527 metra hátt sérkennilegt og litskrúðugt fjall sem inniheldur bæði basalt og lípít og marga einstaka steina. Talið var að gull væri í fjallinu en magnið sem fannst þótti heldur lítið.
helgafell
Hin helga hæð. Talið er að ef þú gengur upp á topp fjallsins án þess að líta til baka eða tala, þá færðu þrjár óskir uppfylltaru.
KERLINGARSKARÐ
Kerlingarskarð ber nafn sitt af sínu helsta kennileiti – Kerlingunni. Kerlingin er mikill móbergsdrangur og minnir útlit hans helst á kerlingu með silungakippu á bakinu.
Súgandisey
Súgandisey er ein af náttúruperlum Breiðarfjarðar og var upphaflega eyja rétt utan við Stykkishólm. Nú hefur vegur verið lagður út í eyjuna og er vinsælt að ganga upp á eyjuna sem er rík af fuglalífi og býr yfir einstöku útsýni yfir Breiðafjörðinn og Stykkishólm.