Aflraunakeppnin Fjallkonan fer fram 14. og 15. júní næstkomandi. Um er að ræða kraftakeppni kvenna sem fram fer í Snæfellsbæ og Stykkishólmi.

Keppt verður í Snæfellsbæ laugardaginn 14. júní og hefjast leikar kl. 12:00 við Pakkhúsið þar í bæ.

Seinni keppnisdagur fer fram í Stykkishólmi þann 15. júní og hefst keppni kl. 12:00 við Stykkishólmskirkju. Þrjár greinar verða á dagská í Stykkishólmi en sú fyrsta fer fram við Stykkishólmskirkju, önnur á túninu við Hótel Egilsen og sú þriðja uppi í Súgandisey.

Keppnin var fyrst haldin í fyrra þar sem margar af sterkustu konum landsins tóku á honum stóra sínum. Mikil ánægja var með keppnina og er hún nú haldin í annað skipti. Fleiri keppendur eru skráðir til leiks í ár og engu til sparað í undirbúningi vegna keppnarinnar.