Viggi Beik stjórnar Partý Bingó á Fosshótel Stykkishólmi. Bingóið byrjar kl 21:00 við mælum með að mæta fyrr til að ná sætum og kaupa sér nokkra drykki í upphitun.

18 ára aldurstakmark verður inná þessa skemmtun.
Verðlaunaafhending kokteilweekend verður tekin í hléi.

Eins og alltaf lofar Beikerinn nokkrum bröndurum og miklu stuði.

Vonum að flestir mæti og skemmti sér með okkur!

FHH Trio í Vínstúkunni á Narfeyrarstofu laugardaginn fyrir páska!

FHH trio samanstendur af bræðrunum Hinriki Þór og Friðriki Erni ásamt saxafónleikaranum Harvey Parkin-Christie, en þetta verður í fyrsta sinn sem þeir þrír koma fram saman.

Hinrik og Friðrik hafa spilað mikið saman í ýmsum verkefnum frá barnsaldri og ber þar helst að nefna rokkhljómsveitina Hyl, sem er flestum Hólmurum kunnug. Þeir eru báðir útskrifaðir úr jazznámi við tónlistarskólann MÍT og stunda nú báðir háskólanám í tónlist. Hinrik er í jazzflytjendanámi við Leeds Conservatoire í Bretlandi og Friðrik er í tónsmíðanámi við Listaháskóla Íslands.

Hinrik og Harvey kynntust í námi úti í Leeds og hafa mikið spilað saman. Þeir eru meðal annars búnir að vinna saman að plötunni “Týndur í Tímarými” sem kemur út seinna á þessu ári.

Leikin verða valin lög úr lagasafni af norðurhveli jarðar, með áheyrslu á skandinavískum þjóðlögum og tónsmíðum.

FHH trio:
Friðrik Örn Sigþórsson: Kontrabassi.
Hinrik Þór Þórisson: Trommur.
Harvey Parkin-Christie: Tenór- og Sópran-saxafónn.

Hver voru þín fyrstu kynni af áfengis(ó)menningu?
Hvaða drykkir voru í tísku?

Í tengslum við nýja grunnsýningu í Byggðasafni Snæfellinga og Hnappdæla -„Hjartastað - Sjóndeildarhringurinn með augum ungs fólks á Snæfellsnesi frá 1900“ sem opnaði s.l. haust er efnt til viðburða sem tengjast sýningunni og að þessu sinni er umræðuefnið: „Hver voru þín fyrstu kynni af áfengis(ó)menningu?

Anna Melsteð sýningarstjóri fjallar um niðurstöður könnunar (https://forms.gle/aFXQ5umLnctmKWiXA) og lítur til baka á þessi málefni á Snæfellsnesi.
Hægt verður að smakka nokkra drykki sem tíðkuðust á árum áður!

Föstudaginn langa í Byggðasafni Snæfellinga og Hnappdæla - Norska húsinu kl. 20.

Ókeypis aðgangur.

Á SKÍRDAGSKVÖLD verður karíókí partí í Vínstúkunni
Við byrjum kl 22:00 og auðvitað verða páskalegar veigar á barnum!
Við hvetjum alla söngfugla til að koma og þenja raddböndin með okkur!

Byrjum páskafríið á laufléttu pubquizi á Narfeyrarstofu 28. mars kl. 21:00 🐥

Hver voru þín fyrstu kynni af áfengis(ó)menningu?
Hvaða drykkir voru í tísku?

Í tengslum við nýja grunnsýningu í Byggðasafni Snæfellinga og Hnappdæla -„Hjartastað - Sjóndeildarhringurinn með augum ungs fólks á Snæfellsnesi frá 1900“ sem opnaði s.l. haust er efnt til viðburða sem tengjast sýningunni og að þessu sinni er umræðuefnið: „Hver voru þín fyrstu kynni af áfengis(ó)menningu?

Anna Melsteð sýningarstjóri fjallar um niðurstöður könnunar (https://forms.gle/aFXQ5umLnctmKWiXA) og lítur til baka á þessi málefni á Snæfellsnesi.
Hægt verður að smakka nokkra drykki sem tíðkuðust á árum áður!

Föstudaginn langa í Byggðasafni Snæfellinga og Hnappdæla - Norska húsinu kl. 20.

Ókeypis aðgangur

Fimmtudaginn 21. mars verður páskabingó hjá okkur í Höfðaborginni, kl. 14 í borðsalnum okkar

300 kr. spjaldið - 4 spjöld á 1000 kr.

Verið öll hjartanlega velkomin

Friends pubquiz á Vínstofunni kl 21:00 föstudaginn 8. mars.
Allir friends aðdáendur hvattir til að mæta og láta ljós sitt skína

Dagskrá tónleika Sinfóníuhljómsveitar Íslands í Stykkishólmi skartar þremur verkum eftir höfuðtónskáld klassíska tímans en auk þess hljóma þrjú hugljúf íslensk lög í flutningi hljómsveitarinnar og sameinaðra kóra á Snæfellsnesi.

Tónleikarnir hefjast með fjörugum forleik Mozarts að óperunni Brúðkaup Fígarós og þá stígur kórinn á svið og syngur með hljómsveitinni. Síaðan hljómar hinn ljúfi og glaðlegi C-dúr sellókonsert Josephs Haydn þar sem Steiney Sigurðardóttir sólósellóleikari fer með eineikshlutverkið. Eftir hlé leikur hljómsveitin 7. sinfóníu Beethovens sem er full af fegurð, lífsgleði og krafti. Stjórnandi tónleikanna er aðalhljómsveitarstjóri Sinfóníuhljómsveitar Íslands, Eva Ollikainen.

Tónleikararnir fara fram í íþróttahúsi Stykkishólms og eru um 2 tímar með hléi.

Aðgangur er ókeypis og allir velkomnir.

EFNISSKRÁ
Wolfgang Amadeus: Mozart Brúðkaup Fígarós, forleikur
Atli Heimir Sveinsson: Kvæðið um fuglana úts. Hrafnkell Orri Egilsson
Sigvaldi Kaldalóns: Ave María úts. Hrafnkell Orri Egilsson
Valentina Kay: Sofðu vært Ellen
Joseph Haydn: Konsert fyrir selló og hljómsveit nr. 1 í C-dúr
Ludwig van Beethoven: Sinfónía nr 7 í A-dúr

HLJÓMSVEITARSTJÓRI
Eva Ollikainen

EINLEIKARI
Steiney Sigurðardóttir

SAMEINAÐIR KÓRAR Á SNÆFELLSNESI
Kirkjukór Ólafsvíkurkirkju
Kirkjukór Grundarfjarðarkirkju
Karlakórinn Kári
Kirkjukór Ingjaldshólskirkju
Karlakórinn Heiðbjört
Kvennasveitin Skaði
Kirkjukór Stykkishólmskirkju

Karlakórinn Kári heldur tónleika í tilefni þorralokum - Söngur er mannsins gaman.

Í tilefni af Hræðilegri helgi verður Glæpa Kviss á Fosshótel. Anna Margrét Pálsdóttir sérleg áhugamanneska um morð og glæpi, treður upp með glæpsamlegum spurningum.

ELSKARÐU MORÐ? Ég ætla rétt að vona ekki, það elskar vonandi enginn morð. En finnst þér morð og aðrir sannsögulegir glæpir áhugaverðir? Liggur þú yfir "true crime" hlaðvörpum og heimildarefni öllum stundum? Getur þú ekki sinnt húsverkum eða sofnað nema með morðhlaðvarp í eyrunum? Ertu gjörsamlega að drukkna úr þvotti af því þú ert að bíða eftir nýjasta morðþættinum og til að geta byrjað að brjóta saman? Ef það kemur ný heimildasería á Netflix um morð/mannshvarf eða annan helberan viðbjóð, kastarðu frá þér öllu og hlammar þér og réttir krökkunum ipad eða hendir þeim í pössun?

Eða bara alls ekki? Finnst þér þetta allt argasta óeðli og lest bara skáldsögur og ljóð, stundar jóga og skíðagöngu eða aðra andlega nærandi hluti og hefur áhuga á eðlilegum hlutum? Hvoru megin sem þú ert ættir þú alls ekki að láta þetta kviss fram hjá þér fara. Það þarf alls ekki að vera sérfræðingur í morðum til að eiga séns á sigri (ekkert verra samt) og öll geta tekið þátt og haft gaman af, mjög ólíklegt að labba út með 0 stig.

Kvissið mun fjalla um sannsögulega glæpi, allt frá léttum þjófnaði yfir í óprenthæfan óhugnað í bland þó við allskonar grín og fíflagang. Öll ættu að geta mætt, skvett í sig jafnvel einum eða tveim og átt skemmtilegt kvöld. Mér fannst mjög gaman í fyrra allavega og líka liðsfélögum mínum sem eru ekki neinir glæpaperrar.

Í hverju liði er best að miða við 2-4 keppendur, ekkert meitlað í stein í þeim efnum. Veitt verða verðlaun fyrir flest stig og einnig fyrir besta liðsnafnið. Hlakka til að sjá vonandi sem flest í hryllilegu stuði!

Kv. Anna Margrét

Í tilefni af Hræðilegri helgi í Stykkishólmi verður Dagrún Jónsdóttir þjóðfræðingur með umfjöllun um andaglas, laugardaginn 17. febrúar kl. 17:00.

Andaglas hefur í áratugi verið stundað af ungmennum á Íslandi og er það enn í dag. Dagrún Ósk Jónsdóttir þjóðfræðingur hefur rannsakað andaglas og safnað reynslusögum íslenskra ungmenna af leiknum.

Afþreyingarefni, fjölmiðlar og flökkusögnur gefa oftast til kynna að andaglas sé hættuleg skemmtun, þar sem allt geti gerst. Andaglas er yfirleitt stundað við kertaljós í myrkri eða á næturnar, í gömlum byggingum eða jafnvel kirkjugörðum. Í "leiknum" skapast ákveðið jaðarástand, þar sem þátttakendur opna gátt á milli heims þeirra lifandi og hinna látnu, þeir sem taka þátt í andaglasinu standa á þröskuldinum þar á milli.

Í erindinu verður fjallað um uppruna andaglass, birtingarmynd þess, flökkusögur og reynslu ungmenna. Einnig verður komið inn á þær reglur sem þarf að fylgja í andaglasinu og hugmyndir og trú þeirra sem taka þátt um hvað það er sem hreyfir glasið.

Dagdrykkja og smáréttir á Sjávarpakkhúsinu á Hræðilegri helgi.

Bókaspjall kl. 15:00 - Bragi Páll fjallar um bók sína Kjöt og Bergþóra Snæbjörnsdóttir fjallar um bókina Svínshöfuð sem meðal annars gerist í Stykkishólmi. 

Kjöt: Sturlaugur var ein skærasta stjarna íslenska myndlistar­heimsins á yngri árum og stefndi á heimsfrægð þegar hann hvarf af hinu opinbera sviði. Fimmtán árum síðar snýr hann aftur með verk sem setur alla heimsbyggðina á hliðina. Bragi Páll hristir hér hressilega upp í lesendum eins og í fyrri bókum sínum með beittum húmor og áleitnum spurningum.

Svínshöfuð: Af hverju fær eldri maður frá Breiðafirði viðurnefnið Svínshöfuð? Kínversk mæðgin koma til Íslands um miðjan tíunda áratuginn. Nýja fjölskyldan á sér gamlar sorgir, sársaukinn liggur kynslóða á milli. Eins og strengur. Sagan fléttast frá upphafi seinni heimsstyrjaldarinnar með viðkomu á lítilli, breiðfirskri eyju, suðurhluta Kína. Og útverfi Kópavogs. Svínshöfuð er fyrsta skáldsaga höfundar, sem hlaut tilnefningu til íslensku bókmenntaverðlaunanna fyrir ljóðabókina Flórída.

Í tilefni af Hræðilegri helgi í Stykkishólmi mun Áslaug Ólafsdóttir fjalla um mannát, en hún er þýðandi bókarinnar Hold og blóð – saga mannáts eftir Ray Tannahill.

Erindið fer fram á Vatnasafninu laugardaginn 17. febrúar kl. 14:00.

Á mannáti hvílir kannski síðasta stóra bannhelgin í nútíma samfélagi. En það er ekki nóg með að mannátið sjálft sé harðbannað og vart nefnanlegt, það þykir nánast svívirða að ýja að þeim mögeika að snæða mannshold. Í bókinni Hold og blóð, saga mannáts, er grafist fyrir um tákngildi þess, merkingu og orsakir sem liggja að baki. Ljósi er varpað á langlífar goðsagnir og venjur, allt frá varúlfum og vampírum til altarissakramentisins, hryllingssagnir og mannætumorðingjar nútímans koma einnig við sögu með hæfilegum skammti af gamansemi.

Í tilefni af Hræðilegri helgi í Stykkishólmi verður Norska húsið - Byggðasafn Snæfellinga og Hnappdæla sett í hræðilegan draugalegan búning.
Það eru krakkarnir í Félagsmiðstöðinni X-ið sem sjá um að hræða okkur.

ATH. Kl. 13:00 er draugahús fyrir börn.
Kl. 16:00 er opið fyrir eldri kynslóðina.

Handritshöfundurinn, fjölmiðla og þáttagerðamaðurinn, Sigursteinn Másson, hefur rannsakað og fjallað um mörg þekktustu sakamál Íslandssögunnar. Þættir Sigursteins eins og, Sönn Íslensk sakamál og Réttarmorð hafa notið gífurlega vinsælda, enda leggur Sigursteinn upp með að koma fram með nýjar upplýsingar varðandi hvert mál, og varpa ljósi á ákveðna þætti sem Sigursteini finnst áhugaverðir.

Óhætt er að segja að rödd Sigursteins er orðin einkennandi fyrir umfjöllun um sakamál á Íslandi, og á föstudaginn fá gestir að hlýða á og eiga samtal við Sigurstein um undirbúnings- og rannsóknarvinnu hans.

Verið óhrædd að spyrja Sigurstein spjörunum úr að umfjöllun lokinni!

Við hitum upp fyrir Hræðilega helgi í Stykkishólmi með kvöldvöku í Vínstúkunni
Kl. 21:00 mætir Ragnhildur Sigurðardóttir sögufylgja og segir okkur hræðilegar sögur af Snæfellsnesi.

Nánari upplýsingar koma von bráðar!

Í tilefni af Hræðilegri helgi verður settur upp hræðilegur ratleikur á Amtsbókasafninu í Stykkishólmi dagana 15. og 16. febrúar.

Hægt er að koma í leikinn hvenær sem er á opnunartíma frá 14-17. Sami leikurinn verður í gangi báða dagana.

Leikurinn verður í anda hræðilega þemans en ekki svo óhuggulegur að hann verði ekki við hæfi barna.

Miðvikudaginn 20. desember verður lesin jólasaga fyrir börnin. Eftir sögustundina gefst góður tími til að glugga í bækur, lita eða gæða sér á smá hressingu sem boðið verður uppá.

Verið öll velkomin á notalega jólastund á bókasafninu!

BINGÓ KVÖLD TIL STYRKTAR MEISTARAFLOKKUM SNÆFELLS!!
Byrum kvöldið í börger & endum á bingói
Tilboð á barnum milli 18:00 - 21:00

Laugardaginn 15. desember kl 21:30 verður Bingókvöld á Narfeyrarstofu til styrktar meistaraflokkum Snæfells!
Það verður stemning í Vínstúkunni og til mikils að vinna svo ekki missa af þessu

Hamborgaratilboð fyrr um kvöldið
Lamba “smash” borgari með rauðlaukssultu, osti, káli, reyktum tómötum, sýrðri gúrku og bernaise.
Kr. 3200.-

Börgerpantanir berist hér: https://forms.gle/j6TcV66Cz6EErABYA