Flot, komdu og njóttu afslappandi flots á eigin vegum. Flottíminn er án leiðsagnar og greitt er venjulegt aðgangsgjald í sundlaugina.

Laugardaginn 17. október kl. 14:00 opnar sýning eftir Hönnu frá Jaðri. 

Hanna frá Jaðri er útskrifaður hönnuður frá deildinni identity við Design Academy Eindhoven. Hún hefur einnig lagt stund á grafíska hönnun og listkennslu við Listaháskóla Íslands.

Frá árinu 2009 hefur Hanna unnið bæði sjálfstætti sem og með með hugmynda- og viðburðasmiðjunni Attikatta. Hún stofnaði Ðyslextwhere 2003 en þar tengir hún saman tungumál og handverk. Hugmyndir um fullkomleika sem tengjast oft prjónauppskriftum fá að fjúka fyrir villum og útúrsnúning og verða vettvangur fyrir samtal um m.a. lesblindu og í leið einhverskonar gjörningur á göngu.

Áhugi hennar á máli, skynjun og því hvernig við tengjumst heiminum hefur birst með ólíkum hætti í verkum hennar í gegnum árin. Orð og orðasambönd birtast bæði í að myndmáli og áþreifanlegu formi. Hún hefur sérstakan áhuga á margræðni orða, útúrsnúningum, stafsetningu og þeim breytingum sem geta orðið á merkingu þegar orð er fært úr sínu hefðbundna samhengi.

Öll hjartanlega velkomin.
Léttar veitingar í boði.

Guðrún Gyða Ölvisdóttir verður með upplestur úr nýútkominni bók sinni, Agnes, áföll og valdbeiting, í Norska húsinu föstudaginn 28. ágúst kl. 15:00. Öll hjartanlega velkomin, léttar veitingar í boði.

Árið 1830 var Agnes Magnúsdóttir 35 ára hálfshöggvin á Þrístöpum. Í gegnum atómljóð talar Agnes sjálf um áföllin sín, ógnarvaldið og þögnina sem fylgdi, (síðasta aftakan á Íslandi 1830).

Margir þekkja af eigin raun valdbeitingu yfirvalda og stjórnenda. Þetta er ný sýn. hennar eigin rödd, hún segir frá óskum sínum líðan og draumum, lífi sem kona á 19. öld. Hlið við hlið er fræðileg umfjöllun um valdbeitingu og áföllin sem hún varð fyrir. Um sárin sem valdið skilur eftir. En þetta er ekki bara saga Agnesar. Þetta er saga okkar allra.

Guðrún Gyða Ölvisdóttir er fædd í Þjórsártúni, Rangárvallasýslu, árið 1954 og ólst þar upp. Hún útskrifaðist sem hjúkrunarfræðingur 1976. Lauk sérnámi í lyf og handlæknisfræðum, háskólanámi í geðhjúkrun, lýðheilsufræði og stjórnun í heilbrigðisþjónustu. Starfaði í áfallateymi Rauðakross Íslands um nokkurra ára skeið meðal annars í Suðurlandsskjálftunum árið 2000. Samhliða áratuga starfi innan heilbrigðiskerfisins hefur hún lagt rækt við myndlist og ljóðagerð.

Fjölbreytt lífsreynsla hennar og áhugi á lýðheilsu og sköpun endurspeglast í starfi hennar.

Hér veltir hún upp mannlegri hegðun, áföllum og sálarástandi Agnesar Magnúsdóttur og hvernig valdbeiting og tíðarandi 19. aldar spilar þar inn í.

---

Bókin er skrifuð á fallegan hátt af mikilli næmni og ástúð.

Vegna starfs síns skilur höfundur vel tilfinningar fólks sem hefur orðið fyrir erfiðleikum og áföllum.

Athygli mína vakti kaflinn um áfallastreituröskun sem afleiðing valdbeitingar.

Birna G. Hjaltadóttir

Þjóðfræðingur

KK fagnar 70 árum árið 2026 og ætlar að því tilefni að vera iðinn við kolann á afmælisárinu og spila víðsvegar um landið og að sjálfsögðu verið komið við í hólminum

Þetta verður kvöld fullt af söng, gítar, sögum og góðum lögum

Hvar man ekki eftir lögum eins og Vegbúinn, Hafðu engar áhyggjur, Lucky one, Kærleikur og tími, Þjóðvegur 66 og Bein leið?

Forsala miða: https://checkout.tix.is/is/buyingflow/tickets/21140/

Miðaverð aðeins 7.500 kr

Tónleikar í Vínstúkunni 16. júlí næstkomandi

Bjössi Thor mætir með gítarinn, einn og óstuddur og flytur nokkur af sínum allra uppáhalds lögum.

Miðasala er hafin inn á https://skd.so/FPsum4 !

Í tilefni af sumarlestrinum ætlar Gunnar Helgason að heimækja okkur í Hólminum og lesa upp úr sínum eldri bókum og smá sýnishorn úr bókinni sem hann er að skrifa núna og kemur út í haust.

Það má koma með uppáhalds bókina sína eftir Gunnar og fá hana áritaða.

Viðburðurinn er styrktur af bókasafnssjóði.

Aflraunamótið Fjallkonan verður haldið í þriðja sinn helgina 13. og 14. júní 2026.

Það verður byrjað í Stykkishólmi, en sunnudaginn 14 júní verður keppt Ólafsvík

Það verður mikið fjör og vonandi sjáumst við hress við Stykkishólmskirkju.

Notaleg kvöldsundstund verður í Sundlaug Stykkishólms þriðjudagskvöldið 9. júní milli kl. 20:00 og 22:00. Notaleg samvera, ljúf tónlist og hressandi drykkur í boði fyrir viðstadda. Um er að ræða notalega samverustund sem  hentar vel fyrir alla fjölskylduna, íbúa, nágranna og aðra gesti. Athugið að frítt er í sund á þessum tíma.

Viðburðurinn er styrktur af Þjóðminjasafni Íslands og Menningar-, nýsköpunar- og háskólaráðuneytinu. Viðburðurinn er hluti af dagskrá „Sundlaugasumars 2026” en verkefnið var sett var af stað í kjölfar skráningar íslenskrar sundlaugamenningar á lista UNESCO yfir óáþreifanlegan menningararf.

Það er Svæðisgarðurinn Snæfellsnes sem stendur fyrir viðburðinum í samstarfi við Sveitarfélagið Stykkishólm.

Páll Óskar & Benni Hemm Hemm hafa slegið í gegn með nýju plötunni "Alveg". Lagið "Eitt af blómunum" ómaði um allt land og varð vinsælasta lag Rásar 2 árið 2025.

Nú eru þeir á leið í tónleikaferð og spila í fallegustu kirkjum landsins, þar sem þeir munu leika lögin á nýju plötunni ásamt eldri smellum. Hér gefst einstakt tækifæri til að heyra þessi gullfallegu lög í návígi við Palla og Benna, í glænýjum útsetningum.

Páll Óskar & Benni Hemm Hemm voru leiddir saman af Kidda hjálmi (Baggalútur) í þeim tilgangi að gera eitt lag fyrir sjónvarpsþáttinn Hljómskálann á RÚV. Lagið kom auðveldlega til þeirra og þeim fannst freistandi að gera svosem eins og eitt lag í viðbót. Svo kom annað lag og allt í einu var komin heil plata með titilinn "Alveg".

Palli og Benni fengu herskara af frábæru tónlistarfólki í stúdíóið með sér og útkoman er einstakt verk þar sem sameinast ljúfar og sætar laglínur og flugbeittir textar.

Platan hefur fengið frábæra dóma og Palli og Benni geta ekki beðið eftir því að bruna út um allt land að leika þessi nýju lög, ásamt fleiri smellum úr fortíð þeirra beggja.

Kirkjan opnar 30 mínútum fyrir hverja tónleika. Sætaval er frjálst, en Páll Óskar gengur um syngjandi meðal áhorfenda, svo nándin verður mikil.

Miðasala: https://checkout.tix.is/is/buyingflow/tickets/20865/

Það var svo geggjað að spila í gömlu kirkjunni síðast – hún er hreinlega fullkominn tónleikastaður. Ég hef beðið spenntur eftir að komast aftur og nú er loksins komið að því!

Ég ætla að mæta með öll mín bestu lög í farteskinu og leyfi kannski einu eða tveimur nýjum að fljóta með. Fyrir rúmum 20 árum kom ég fyrst fram sem Raftrúbador, umkringdur alls kyns græjum og tækjum. Undanfarið hef ég verið að dunda mér við að setja saman svipað „setup“ sem ég kalla orgel framtíðarinnar og ætla að lofa ykkur að heyra hvernig það hljómar í nokkrum lögum.

En mest ætla ég að glamra á gamla góða gítarinn. Spila, sprella og segja sögur. Hlakka mikið til að sjá ykkur!

Dagsetning: kl 20:00 (laugardagur) Gamla kirkjan í Stykkishólmi, 11 apríl 2026

Verð: 6.990 í forrsölu á tix, 8.990 í hurð.

Fóstbræður bregða undir sig betri fætinum og sækja Hólminn heim. Á tónleikunum kennir ýmissa grasa en kórinn leitar jafnt í smiðjur íslenskra sem erlendra höfunda og flytur ýmsar karlakóra perlur í bland við nýleg verk samtíma höfunda.

Aðgangur er ókeypis en tekið við frjálsum framlögum til kirkjunnar sem stefnir á endurnýjun ljósabúnaðar.

Pub Quiz á Skipper laugardaginn 28. febrúar kl. 21.30.

Snæfellsnes fortíðar, á baðstofuloftinu á 19. öld lak af þaki niður í rúmin, kuldinn klæddi herbergið og myrkrið fyllti rýmið mestan hluta ársins. Hér vann fólk, borðaði og svaf á sama stað – lífið á Snæfellsnesi var bæði erfitt og hræðilegt!

Komdu í rökkrið á rislofti Norska hússins og skynjaðu fortíðina með nýrri framsetningu safnmuna.

Þjóðfræðingurinn Anna Melsteð leiðir sýninguna og vekur sögurnar til lífsins í þessu draugalega en heillandi rými.