Svenni Davíðs heldur upp fjörinu í vínstúkunni á Narfeyrarstofu þann 25. október í tilefni Norðurljósahátíðar.

Þrátt fyrir að vera ekki ársgömul ætlar hljómsveitin Skelbót frá Stykkishólmi að troða upp í annað sinn. Nú innandyra og standandi. Á meðan innviðaráðherra hugsar um úthlutun skelbóta hafa hljómsveitarmeðlimir Skelbótar verið að æfa sig í að spila lög á fjölmörgum tungumálum (þ.m.t. tungumáli ástarinnar). Endilega kíktu við og taktu þátt í skemmtana- og menningarlífi Hólmara. Skelbót skipa: Jón Sindri, Gísli Sveinn, Siggi Grétar, Nonni Mæju og Snæbjörn.

Komdu og syngdu af list í öruggu umhverfi! Kristbjörg Hermannsdóttir, Hólmgeir Þórsteinsson, Haukur Garðarsson, Valbjörn Snær Lilliendahl og Hafþór Guðmundsson leiða samsöng þar sem enginn verður dæmdur.

Sunna Guðný Högnadóttir lítur aftur til BA-ritgerðar sinnar frá 2013 um póstfemínísk viðhorf í íslenskum skvísubókum. Í fyrirlestrinum veltir hún fyrir sér hvernig hugmyndir um kvenleika, frelsi og þrýsting birtust þá – og hvernig þær lifa enn í menningu samtímans, frá Makalaus til samfélagsmiðla.

Það verður boðið upp á léttar skvísulegar veitingar.

Viðburðurinn er styrktur af Bókasafnasjóði og hluti af verkefninu Læsi á stöðu og baráttu kvenna en almenningsbókasöfn um land allt sameina krafta sína undir merkjum verkefnisins í tilefni af Kvennaárinu 2025.

Músík Bingó – kvöld fullt af fjöri og góðri tónlist!
Í stað þess að kalla út tölur eru spiluð vinsæl lög sem þú þarft að þekkja. Komdu með vinunum, njóttu tónlistarinnar og sjáðu hvort þú náir BINGÓ!

Glæsilegir vinningar
Miðaverð: 1.500 kr. (3 spjöld innifalin)
Miðar seldir við hurð
18 ára aldurstakmark

Eitt mesta stemmningskvöld ársins – og þú ætlar að mæta!

Stundin er runnin upp! Konur og kvár ganga út frá sínum störfum kl 14:00 og hittast á Amtsbókasafninu í Stykkishólmi. Farið verður yfir sögu kvennabaráttunnar hér í Stykkishólmi með frásögnum nokkurra kvenna, boðið uppá kaffi og horft á beint streymi frá baráttufundi á Arnarhóli. Áfram konur og kvár!

Opnunarhátíð Norðurljósahátíðar verður í Stykkishólmskirkju fimmtudaginn 23. október kl. 20:00.

Tónlistaratriði:

Birta Sigþórsdóttir

Friðrik Sigþórsson

Bence Petö

Jón Dagur Jónsson

László Petö

Sævar Helgi Bragason, Stjörnu Sævar segir okkur allt sem við þurfum að vita um almyrkann 2026.

Bæjarstjórn Sveitarfélagsins Stykkishólms mun veita heiðursviðurkenningu fyrir störf að menningar- og félagsmálum.

Öll hjartanlega velkomin.
Enginn aðgangseyrir.

Í nóvember 2025 verða 180 ár liðin frá því að Árni Thorlacius hóf samfelldar veðurfarsmælingar í Stykkishólmi sem hafa staðið óslitið síðan. Árni fæddist árið 1802 og varð umsvifamikill verslunar- og fræðimaður í Stykkishólmi eftir að hann kom heim úr námi frá Kaupmannahöfn. Þessar mælingar eru taldar meðal elstu samfelldu veðurmælinga í Evrópu og árið 2019 veitti Alþjóðaveðurfræðistofnunin Stykkishólmsbæ viðurkenningu fyrir það afrek. Samfélagslegt mikilvægi þeirra er ekkert minna en hið hnattræna þar sem þær gefa okkur dýrmæta innsýn inn í nær tveggja alda veðurfarsbreytileika í Norður Atlantshafi og hafa þannig lengi gagnast við margskonar innlendar og alþjóðlegar loftslagsrannsóknir.

Í tilefni þessa afmælis verður efnt til málþings sem verður haldið í Vatnasafninu í Stykkishólmi 11. október næstkomandi. Megin þema málþingsins verða veðurmælingar Árna en til stendur að upphefja þennan hluta af sögu Stykkishólms og gera henni skýr skil samfélagslega sem og að setja mælingarnar í hnattrænt samhengi. Þýðing þeirra í alþjóðlegum loftslags rannsóknarverkefnum verður rædd en einnig vægi slíkra mælinga gagnvart yfirstandandi breytingum í veðurfari.

Markmiðið er að brúa bil milli samfélags og vísinda og skapa samtal þar á milli. Við fáum til þess aðstoð frá sjónarhorni listamanna varðandi þátt vísinda og náttúru í þeirra sköpun. Málþinginu líkur með opnun sýningar í Norska húsinu - Byggðasafni Snæfellinga og Hnappdæla, með verkum listamanna undir þemanu Vendipunktar/Tipping Points.

Verkefnið er stutt af Safnaráði, Uppbyggingarsjóði Vesturlands og Sveitarfélaginu Stykkishólmi.

Dagskrá - 11. október kl. 13:00-16:00.

13:00: Jakob Björgvin Sigríðarson Jakobsson, bæjarstjóri Sveitarfélagsins Stykkishólms setur þingið með stuttu erindi.
13:05: Á veðramótum: Eiríkur Valdimarsson, þjóðfræðingur hjá Rannsóknarsetri Háskólans á Ströndum, fer yfir veðurþekkingu þjóðar fyrr á tímum og nú.

13:25: Anna Melsteð, þjóðfræðingur, fjallar um lífið í Norska húsinu á tímum Árna og fjölskyldu.
13:45: Kristín Björg Ólafsdóttir, sérfræðingur hjá Veðurstofu Íslands, fjallar um mikilvægi þessara mælinga í loftslagsrannsóknum og hvernig fortíðin getur nýst okkur til að skilja framtíðina

14:05: Kaffihlé - Kvenfélagið Hringurinn, Stykkishólmi, sér um veitingar

14:35 Árný Erla Sveinbjörnsdóttir, jarðfræðingur og vísindamaður, fjallar um rannsóknir sínar á ískjörnum Grænlandsjökuls og hvernig þær tengjast mælingum Árna.
14:55: Ole Martin Sandberg nýdoktor og heimspekingur hjá Siðfræðistofnun Háskóla Íslands, ræðir um óþekktar afleiðingar vegna loftslagsvár hér á Íslandi.
15:15: Þorgerður Ólafsdóttir listakona segir frá verkum sínum sem fjalla um samband mannsins við náttúruna í síbreytilegum heimi, þar sem hugmyndir um tíma, tengsl og skala eru í forgrunni.
15:35: Hera Guðlaugsdóttir frá Veðurstofu Íslands flytur samantekt.

Öll hjartanlega velkomin, aðgangur er ókeypis.
Gott væri að skrá sig á málþingið með því að senda tölvupóst á info@norskahusid.is eða heragudlaugs@gmail.com.

Listamenn sem eiga verk á sýningunni Vendipunktar:
Anna Jóa
Deepa R. lyengar
Einar Falur Ingólfsson
Gudrita Lape
Halldór Kristjánsson
Hjördís Gréta Guðmundsdóttir
Karí Ósk Grétudóttir
Íris María Leifsdóttir, Antonía Bergþórsdóttir, Alberta Parnuuna, Vikram Pradhan
Þorgerður Jörundsdóttir
Þorgerður Ólafsdóttir

Verkefnið er unnið með stuðningi bæjarstjórnar Sveitarfélagisns Stykkishólms, Safnaráðs og Sóknaáætlun Vesturlands.

Haustsýning Leifs Ýmis stendur út 9. október.
Þar sem líða er að sýningarlokun verður lokahóf sýningarinnar 9. október kl. 15:00. Leifur Ýmir verður á staðnum með stutt spjall um sýninguna.

Öll hjartanlega velkomin.

Kaffi á könnunni.

Kammerkór Seltjarneskirkju verður með tónleika í Stykkishólmskirkju 13. september klukkan 16:00. Falleg og fjölbreytt efnisskrá, bæði íslensk þjóðlög,kirkjuleg kórlög eftir íslensk og erlend tónskáld. Á efnisskánni er m.a. ensk kórtónlist frá Renaissance-tímanum ásamt Maríubæn eftir Arvo Part sem kórinn flytur á rússnesku.

Kórstjóri er Friðrik Vignir Stefánsson organisti Seltjarnarneskirkju.

Aðgangur 2.000 - ÖLL velkomin.

Við munu heimsækja Stykkishólm nú í september.

Þetta verður þrælskemmtileg og fróðleg kvöldstund sem við munum bjóða upp á og hvetjum ykkur til að vera með okkur í gleðinni.
Miðasalan er hafin:

https://tix.is/event/19947/draugar-fortidar-asaekja-island

Sveitarfélagið Stykkishólmur, Svæðisgarður Snæfellsnes og Sinfóníuhljómsveit Íslands saman í sundi föstudaginn 29. ágúst frá kl. 20:00 til kl. 22:00. Njótum saman fallegra tóna Sinfóníurnar í heitum (og glænýjum) heilsupottum með heilnæman drykk í hönd.

Gaman að segja frá því að pottasvæðið í sundlaug Stykkishólms er nýuppgert - en með sama heilnæma *vatninu. Þá opnar sána og infrarauður klefi daginn fyrir Miðnætursund með Sinfó í sundi - Stykkishólmur.

*Einstakt vottað vatn:
Heilsuefling Stykkishólms ehf hefur hlotið vottun á heita vatninu í Stykkishólmi. Sú vottun kemur frá þýskri stofnun, Institut Fresenius, sem sérhæfir sig í vatns- og umhverfisvottun. Segja þeir vatnið sérstaklega gott og þá einna helst við stoðkerfasjúkdómum en mæla einnig með því til drykkjar líkt og tíðkast víða í Evrópu. En þar drekka menn salt-og steinefnaríkt vatn sér til heilsubótar og yngingar.

Vatnið í Stykkishólmi er á margan hátt sérstakt, það er basískt (pH 8,45) og inniheldur allmikið af uppleystum efnum sem eru einkum natríumklóríð og kalsíumsölt. Vatnið er jafnframt líkt að efnainnihaldi því vatni sem frá forsögulegum tímum hefur verið notað til baða í baðstaðnum Baden Baden í Þýskalandi.

Tónleikar í Verbúð (Blátt bil)
Teitur Magnússon
Þrír
Bragi Páll Sigurðsson

Miðaverð er 2900 kr
Selt við hurð

Tónleikar byrja á slaginu 17:00.

Leikhópurinn Lotta stígur á stokk nítjánda sumarið í röð og býður börnum og fjölskyldum um allt land sprúðlandi skemmtun í formi nýrrar uppfærslu á söngleiknum Hrói Höttur.

Hrói Höttur er eitt vinsælasta leikverk Lottu fyrr og síðar. Nú eru liðin ellefu ár frá því að það var frumsýnt í fyrsta sinn, og því sannarlega tilefni til að dusta af því rykið – nú er það tilbúið í ferskum og breyttum búningi fyrir bæði gamla og nýja áhorfendur. Eins og Leikhópurinn Lotta er hvað þekktastur fyrir, er hér á ferðinni ævintýrakokteill þar sem sögunni um Hróa Hött er blandað saman við annað þekkt ævintýri – að þessu sinni syfjuðu prinsessuna Þyrnirós.

Í bland við skemmtileg lög, fjöruga dansa, fullorðinsbrandara og góðan skammt af aulahúmor verður til fullkomin skemmtun fyrir alla aldurshópa.

Áhorfendur fá að kynnast Hróa Hetti og trúföstu vinum hans, Þöll og Þyrnirós, sem berjast fyrir réttlæti í Ævintýraskóginum. Persónur á borð við Jóhann prins, illgjarnan fógeta, Tomma litla og álfkonur skjóta einnig upp kollinum í þessari kraftmiklu og fjörugu sýningu og lofar Lotta góðri skemmtun fyrir alla fjölskylduna.

Sýningin er klukkutími að lengd og fer fram utandyra. Við hvetjum gesti til að klæða sig eftir veðri, koma með nesti, teppi og góðan ævintýraanda. Það er líka gott að hafa símann vel hlaðinn því eftir sýningu gefst áhorfendum kostur á að fá mynd af sér með sinni uppáhalds ævintýrapersónu.

Miðaverð er 3,900 kr. (frítt fyrir tveggja ára og yngri) og hægt er að kaupa miða á staðnum og á tix.is.

Viðskiptavinir í Stofni hjá Sjóvá fá 2 fyrir 1 af hverjum miða.

________________________________________

Leikstjórn: Ágústa Skúladóttir

Leikarar: Andrea Ösp Karlsdóttir, Anna Bergljót Thorarensen, Rósa Ásgeirsdóttir, Sigsteinn Sigurbergsson og Stefán Benedikt Vilhelmsson

Leikskáld: Anna Bergljót Thorarensen

Höfundar tónlistar: Baldur Ragnarsson, Björn Thorarensen, Rósa Ásgeirsdóttir, Þórður Gunnar Þorvaldsson, Stefán Benedikt Vilhelmsson, Andrea Ösp Karlsdóttir, Sumarliði V. Snæland Ingimarsson

Höfundur lagatexta: Sævar Sigurgeirsson

Hljóðblöndun tónlistar: Axel „Flex“ Árnason

Hljóðblöndun á sýningum: Þórður Gunnar Þorvaldsson

Búningahönnun: Kristína R. Berman, Rósa Ásgeirsdóttir og leikhópurinn

Danshöfundur: Ágústa Skúladóttir & leikhópurinn

Leikmyndahönnun: Andrea Ösp Karlsdóttir og Sigsteinn Sigurbergsson

Leikmunir: Leikhópurinn

Fimmtudagskvöldið 10. júlí ætlar KK að mæta í Narfeyrarstofu í Stykkishólmi og spila öll sín bestu lög og segja tengdar sögur

Hvar man ekki eftir lögum eins og Vegbúin, Hafðu engar áhyggjur, Lucky one, Kærleikur og tími, Þjóðvegur 66 og Bein leið?

Ekki missa af þessu einstaka tækifæri til að sjá og heyra KK í mikilli nánd.

Forsala miða hefst 6. júní og verður inn á tix.is. Þeir sem eru á póstlista tix.is geta keypt miða frá og með 4. júní.

Húsið opnar kl 20:30, tónleikarnir hefjast á slaginu 21:00.

Miðaverð aðeins 6.990 kr

Skotthúfan 2025 verður haldin í Stykkishólmi 28. júní. Í ár fögnum við því að þjóðbúningadagur hefur verið haldinn í Stykkishólmi í 20 ár!
Við treystum á veðurblíðu að venju og hlökkum til að sjá ykkur öll á búning.
Dagskráin verður sem hér segir:
11 - 17 Norska húsið: Komið og rifjið upp Þjóðbúningadag Byggðasafnsins í 20 ár

Ljósmyndasýning í tilefni af þjóðbúningadegi safnsins sem haldinn hefur verið í 20 ár. Svipmyndir frá liðnum árum.

Skotthúfa Auðar Laxness verður kynnt í safnbúðinni.

Æðarsetur Íslands & Sjávarborg Café: Komdu og fáðu þér kaffi
Æðarsetur Íslands (Opið 13-17) og Sjávarborg Café (Opið 12-17) bjóða búningaklæddum gestum upp á kaffi og þjóðlegar veitingar í tilefni dagsins. Öll velkomin.

12 - 16 Tang & Riis: Komið og kaupið! Farandverslun Heimilisiðnaðarfélags Íslands

12 - 16 Tang & Riis: Komið og kniplið!
Komið og kniplið, kynnist skemmtilegri handverksaðferð hjá Heimilisiðnaðarfélaginu. Gestir geta fengið að prófa.

12 - 16 Vinnustofan Tang & Riis: Komið og skoðið freyjur og fugla Sýning Ingibjargar H. Ágústsdóttur mæðgur opin í vinnustofu í kjallara.

12 - 14 Gamla frystihúsið, Aðalgata 1: Komið og lærið að kveða Atli Freyr kennir kveðskaparlist, hefur þú prófað að kveðast á?

14 - 16 Gamla frystihúsið, Aðalgata 1: Komið og lærið að dansa
Félagar úr Þjóðdansafélagi Reykjavíkur kenna áhugasömum íslenska þjóðdansa.

16:00 Myndataka við Norska húsið
Þjóðbúningaklæddir gestir sitja fyrir á árvissri mynd hátíðarinnar.

16:15 Þjóðdansar á Plássinu: Komdu og stígðu dans
Félagar úr Þjóðdansafélagi Reykjavíkur taka sporið fyrir utan Norska húsið. Dansaðir verða íslenskir þjóðdansar og gestum gefst tækifæri að taka þátt í dansinum.

18 - 22 Hótel Fransiskus: Komdu á kvöldvöku
Opið hús frá kl. 18 - 22 í morgunverðarsal Fransiskus gengið inn frá bílastæði sunnan megin.
Súpa borin fram frá kl. 19 á meðan birgðir endast. Verð fyrir súpu kr. 2.000 Skráning nauðsynleg - https://forms.gle/xGPyAfsuNJapzm5f8

Kvöldvaka hefst kl. 20 Kvöldvökustjóri: Eydís Gauja.
Þjóðbúningaspurningakeppni, kveðskapur, Eyjólfur Eyjólfsson verður með langspilskynningu og tónlistarflutning með hjálp gesta, samsöngur og fleira.